Թուրքական «Today’s Zaman» թերթի փոխանցմամբ, Թուրքիան զրկվել է ադրբեջանական գազի միակ փոխադրողի կարգավիճակից` համաձայն մի քանի ամիս առաջ ստորագրված պայմանագրի:
Երեկ «The Official Gazette»-ի հրապարակած` Շահդենիզի բնական գազի պայմանագրի որոշ մանրամասների համաձայն` Թուրքիան հրաժարվել է իր տարածքով անցնող գազի օրական մոտավորապես 2 միլիոն խորանարդ մետր քանակից: Թուրքական պաշտոնյաների փոխանցմամբ, սրանով թուրքական կողմը զերծ է մնում ավել գազ գնելու եւ դրա դիմաց վճարելու պարտականությունից:
Ըստ պայմանագրի` 750 միլիոն խորանարդ մետր գազ այլեւս չի փոխադրվի Հունաստան: Թուրքիան 6.6 միլիոն խորանարդ մետր գազ կստանա Շահդենիզ հանքավայրից, որից 1.2-ը վերամշակման կտա Ադրբեջանի պետական նավթային ընկերության SOCAR-ի դուստր ձեռնարկությունը հանդիսացող Petkim ընկերությանը, որը նաեւ հետագայում գազ կարտահանի Հունաստան, Բուլղարիա, Սիրիա:
http://www.todayszaman.com/tz-web/news-224779-101-turkey-transfers-its-sole-gas-export-right-to-azerbaijan.html