![](https://www.1in.am/assets/uploads/2018/04/aa-1.jpg)
Անգլուհի Մերի Քրեմփթոնը պոլիգամ կենսակերպ է վարում, ինչին աջակցում է իր ամուսինը։ Ավելին՝ նրա փեսացուն և երկու սիրեկաններն ապրում են նրանց հետ նույն տանիքի տակ։
Մերին նորմալ ընտանիքում է դաստիարակվել, որտեղ եղել են մայրն ու հայրը։ Քսան տարեկանում նա ամուսնացել է և ամուսնու հետ Չարլթոն է տեղափոխվել։ Ինչ որ մի պահի նա իրեն այն մտքի վրա է բռնել, որ զուգահեռ զգացմունքներ է տածում այլ մարդկանց նկատմամբ,– գրում է Daily Mail-ը։
Այլ զուգընկերների մասին անընդհատ մտքերը Մերիին հանգիստ չէին տալիս և արդյունքում նա բաժանվել է։ Միայն դրանից հետո Մերին ազատ շունչ է քաշել և լրիվ նոր կյանք է սկսել նոր ծանոթների հետ։
Նա մի մարդու է հանդիպել, որ կիսել է նրա հետ պոլիգամ հարաբերությունները։ Նրան էլ է հետաքրքիր եղել, թե ինչ է դա, և Մերին որոշել է ծանոթացնել նրան իր ընկերոջ հետ։
Քրիմփթոնին այնքան են դուր եկել երկու զուգընկերների հետ հարաբերությունները, որ նրան հաջողվել է ամուսնանալ 43 տարեկան Թիմի հետ և նաև 53 տարեկան փեսացու գտնել: Բայց դա դեռ ամենը չէ։
«53 տարեկան Ջոնի հետ մենք պատրաստվում ենք ամուսնանալ։ Պաշտոնապես դա չի թույլատրվում, բայց մենք ամուսնական արարողություն կանենք Չարլթոնի եկեղեցում»,– ասում է Մերին։
Բայց երկու զուգընկերներն էլ նրան չեն բավարարել և Մերին ևս երկու սիրեկան է գտել։ Նրանք բոլորը գիտեն միմյանց գոյության մասին, իսկ ամուսինն ու փեսացուն մի տանիքի տակ են ապրում։ «Նրանցից յուրաքանչյուրը բավարարում է իմ պահանջմունքները և ամեն մեկի հետ յուրովի հետաքրքիր է։ Ամուսնուս հետ մենք բնապահպանությունից ենք խոսում, փեսացուիս հետ՝ գիտական ֆանտաստիկա ենք քննարկում, Մայքլի հետ սիրում եմ դարթս նայել։ Ես երջանիկ մարդ եմ»,– ասում է Մերին։