Հնդկական Տրիպուրա նահանգի նախարար Բիպլաբ Դեբը հայտարարել է, որ համացանցը հին հնդիկների հայտնագործությունն է, ինչով ծիծաղեցրել է օգտատերերին։ Այս մասին հաղորդում է BBC News-ը։
Նա հայտարարել է, որ հազար տարի առաջ համացանցն արդեն գոյություն է ունեցել և հիմնվել է հին հնդկական «Մահաբհարատա» էպոսի վրա։ Ըստ Դեբի՝ էպոսի որոշ հատվածներ հաստատում են ոչ միայն ինտերնետի հնդկական ծագումը, այլև խոսում են արբանյակային հնադարյան կապի գոյության մասին։
Հնդկացի օգտատերերը սկսել են ծաղրել նախարարին. նրանք հետաքրքրվել են, թե ինչու հին հնդիկները իրենց հանճարեղ հայտնագործությունների մասին չեն գրել Facebook-ում։