Սերժ Սարգսյանի վարչապետության դեմ այս ակցիաների էֆեկտիվությունը մեծ չէ և իշխանությունը խնդիր չի տեսնում միջամտել: «Առաջին լրատվական»-ի հետ զրույցում նման կարծիք հայտնեց վերլուծաբան Հակոբ Բադալյանը:
Նրա կարծիքով՝ իշխանության վարքագիծը կախված չէ նրանից, թե այլ քաղաքական գործիչներ կմիանան Փաշինյանին, թե ոչ․ «Կա միևնույն նպատակ, բայց չկա օրակարգ: Կոնսոլիդացիայի ուժը չափազանցված է: Ընդդիմությունը պետք է խնդիրները հասկանա, ինչ է ուզում հասարակությունը: Մարդիկ հիասթափված չեն, չեն ուզում գնալ այնտեղ, որից ոչինչ չեն հասկանում: Շարժման այս տարբերակները իշխանության համար կանխատեսելի են»:
Վերլուծաբանի դիտարկմամբ՝ ընդդիմությունը պետք է նվաճի քաղաքական տարածությունը, որը պետք է դուրս լինի իշխանափոխություն ուզելու իռացիոնալ ծուղակից:
