Նախօրեին Սերժ Սարգսյանը քննարկել է «Հայաստանի զարգացման ռազմավարություն-2030» փաստաթղթի նախագծի լրամշակված տարբերակը, ըստ որի՝ ծրագրում պետք է ներառված լինի մինչև 2030 թվականը մի քանի հարյուր հազար աշխատատեղերի ստեղծում, որոնք կապահովեն բարձր աշխատավարձ, հատկապես պետք է ներառված լինի երիտասարդների շրջանում գործազրկությունը, նաև՝ 2040-ին 4 միլիոն բնակչություն։
«Համագործակցություն հանուն ժողովրդավարության» ՀԿ նախագահ Ստեփան Դանիելյանը նկատում է, որ Սերժ Սարգսյանը վերջին ամիսների ընթացքում ավելի ակտիվ էր խոստումների, մեդալների քանակով, քան վերջին երկու տարվա ընթացքում։ Սա, նրա խոսքով, նշանակում է, որ նա վստահ չէ այս անցումային փուլում, ունի մտահոգություններ։
«Ինչո՞ւ է մեդալներ բաժանում, որովհետև մեդալներ բաժանելը այդ մարդկանց ներգրավել է ինչ-որ մի գործընթացի մեջ»,- ասաց Ստեփան Դանիելյանը՝ հավելելով, որ սա անվստահության նշան է։
«Սա տասնյակ հազարավոր մարդկանց խումբ է, որոնք եկել են որոշակի պայմանավորվածության, որի երաշխավորը Սերժ Սարգսյանն է։ Եվ ովքեր այդ պայմանավորվածությունը չեն կատարում, պատժվում են»,- ասաց նա՝ հավելելով, որ եթե ուզում ես համակարգի դեմ պայքարել, իր էությունը հասկանալով պետք է քայլեր կատարես։
Ամբողջությամբ՝ տեսանյութում։