Չինաստանի Արդյունաբերության և տեղեկատվական տեխնոլոգիաների նախարար Մյաո Վեյը լրագրողներին հաղորդել է, որ չինացի գիտնականները սկսել են վեցերորդ սերնդի բջջային կապի ստանդարտի մշակման աշխատանքները։ Գործչի խոսքերով՝ 6G-ի առաջին հետազոտությունները սկսվել են 2017 թվականի վերջին։
Կառավարության կողմից մշակողների առջև դրված հիմնական խնդիրը «լիակատար մեքենայացումն է» այն աշխատանքային առաջադրանքների, որոնք հիմա մարդիկ են կատարում։ Ոչ պակաս առաջնահերթ նպատակ է՝ անվտանգության ապահովումը։
Քաղաքական գործիչը շեշտը դրել է նաև անվարորդ ավտոմեքենաների և այլ տրանսպորտային միջոցների վրա, որոնք ապագայում ամբողջ հանրության սեփականությունն են դառնալու։
Այսօրվա դրությամբ չինացի գիտնականները ակտիվորեն աշխատում են նաև 5G տեխնոլոգիայի վրա։ Բջջային կապի օպերատորները արդեն ստեղծում և փորձարկում են այդ ստանդարտի կապի կայանները։