Մարկ Ցուկերբերգին ցանկանում են հարցաքննել՝ կապված նրա հիմնադրած Facebook սոցկայքի միջոցով օգտատերերի տվյալները հավաքելու հետ, հաղորդում է ВВС-ն։
Ամերիկյան և բրիտանական իշխանությունները ցանկանում են ստանալ նրա ցուցմունքները։
Facebook-ի հասցեին ավելի շատ են հնչում մեղադրանքներ այն մասին, որ ընկերությունն օգտատերերին չի տեղեկացրել, որ նրանց մասին անձնական տեղեկությունը հայտնվել է բրիտանական վերլուծական Cambridge Analytica (СА) ընկերության ձեռքում։
Համարվում է, որ հենց СА-ն է օգնել 2016-ին Դոնալդ Թրամփի նախընտրական քարոզարշավին։
Ուրբաթ Facebook-ի ներկայացուցիչը հայտարարեց, որ հետաքննության ընթացքում Cambridge Analytica ընկերության հասանելիությունն իր սերվերին արգելափակվել է։
«Խոսքը չարաշահումների մասին է, որոնք անհրաժեշտ է հետաքննել»,-հայտարարել է սենատոր Էմի Քլոբուչարը՝ դեմոկրատական կուսակցությունից։
Նման դիրքորոշում է զբաղեցնում նաև Ադամ Շիֆը՝ կոնգրեսական, դեմոկրատ և ԱՄՆ երկայացուցիչների պալատի հետախուզության կոմիտեի անդամ։
Սենատոր և նախագահի նախկին թեկնածու Մարկո Ռուբիոն NBC հեռուստաալիքով իր ելույթի ժամանակ ասել է, թե սոցկայքերն իրենց այնպես են պահում, ասես օրենքից բարձր են։
