ՀՀ մշակույթի նախարար Արմեն Ամիրյանն իր անհանգստությունն է հայտնել բնական հուշարձան համարվող Գառնիի կիրճում գտնվող «Քարերի Սիմֆոնիա»-ի տարածքում կատարվող շինարարական աշխատանքների վերաբերյալ: Փետրվարի 23-ին լրագրողների հետ հանդիպմանը Ամիրյանն ասաց, որ ՀՀ մշակույթի նախարարությունը ոչ մի առնչություն չունի այդ կառույցի թույլտվության հետ, քանի որ «Քարերի սիմֆոնիա»-ն բնական, ոչ մշակութային հուշարձան է:
Նախարարը շեշտեց, որ որպես քաղաքացիներ իրենց անհանգստությունն են հայտում այդ հարցի վերաբերյալ: «Չի’ կարելի նման բան անել: Կարծում եմ, որ պատկան մարմինները, համայնքի ղեկավարությունը և այլ պատասխանատուներ ժամանակին արդեն արձագանքել են և լուծում կտան այդ հարցին»,-եզրափակեց Արմեն Ամիրյանը:
