Քեմբրիջի դքսուհի Քեյթ Միդլթոնը հայտնել է, թե ինչ ֆիլմեր է սիրում 4-ամյա արքայազն Ջորջը։ Փոքրիկ արքայազնը հավանում է արջուկ Փադինգթոնի արկածները։ Այդ մասին նրա մայրը հայտնել է BAFTA մրցանակաբաշխության 71-րդ արարողության ժամանակ։
Դքսուհին նշել է նաև, որ որդին հիացած է մնացել «Կոկոյի գաղտնիքը» մուլտֆիլմից, որը մեքսիկական գյուղից 12-ամյա տղայի մասին է։ Այդ մուլտֆիլմը հավանում է նաև արքայազն Ուիլյամը։
Դքսուհին նշել է, որ կինոյի հանդեպ սերն ընտանեկան է։
Ավելի վաղ արքայազն Ուիլյամը պատմել էր, որ իր որդի Ջորջը բազմիցս դիտել է «Առյուծ արքան», սիրում է նաև Lego-ի հերոսների մասին մուլտերը և «Օկտոնավտներ» մուլտսերիալը, որը հեռարձակվում է BBC-ով։
