Վրաստանի վարչապետ Գեորգի Կվիրիկաշվիլին կառավարության նիստում հայտարարել է, որ երկիրը 2030 թվականի ձմեռային Օլիմպիկան խաղերի անցկացման հայտ կներկայացնի։ Նախարարներին հանձնարարվել է այդ հարցով առաջարկներ նախապատրաստել։ Այս մասին հայտնում է «Նեզավիսիմայա գազետան»։
Վարչապետի խոսքով՝ մոտ ժամանակներս Միջազգային օլիմպիական կոմիտեն Թբիլիսի կգործուղի փորձագիտական խումբ՝ խոշորագույն միջոցառման կազմակերպման հարցում երկրի հնարավորությունների ուսումնասիրման համար։
Վրաստանը ձեռնարկում է ձմեռային Օլիմպիադայի անցկացման իրավունք ստանալու երկրորդ փորձը։ Առաջին անգամ նման գաղափարով հանդես էր եկել հանգուցյալ գործարար Բադրի Պատարկացիշվիլին՝ որպես խաղերի մայրաքաղաք առաջարկելով Բորժոմի առողջավայրը, սակայն այն չէր դիմացել մրցակցությանը։
Օլիմպիական խաղերը հյուրընկալելու Վրաստանի ցանկության մասին Գեորգի Կվիրիկաշվիլին հայտնել էր հունարի վերջին՝ Ժնև կատարած այցի ընթացքում։
