Իրանում բարոյականության ոստիկանությունը բռնում և տուգանում է «սխալ» հագնված կանանց. դժգոհ իրանցիների թիվն աճում է։ Այս մասին ասվում է Իրանի նախագահին կից ռազմավարական կենտրոնի հաշվետվության մեջ։
«Փաստաթղթում նշված է, որ երկրի իշխանություններն անհանգստացած են նման տրամադրություններով։ Նախագահի խորհրդականները նշում են, որ իսլամական պետության քաղաքացիների մեծ մասը գտնում է, որ կանայք իրենք պետք է որոշեն՝ կրել հիջաբ, թե՝ ոչ, այլ ոչ թե ցուցմունքներ ստանան պետությունից»,– ասվում է հաղորդագրության մեջ։
Պարտադիր մուսուլմանական դրես–կոդը Իրանում մտցվել է 1979 թվականի հեղափոխությունից և իսլամական պետության հռչակումից հետո։