Հունվարի 22-ին Իրանի բանակը երկրի հարավ-արևելքում կսկսի երկօրյա զանգվածային զորավարժություններ՝ «Մուհամմադ Ռասուլալլահ» ծածկագրային անվամբ: Այս մասին հայտնում է «Թասնիմ» գործակալությունը:
Իրանի բանակի հրամանատարի տեղակալ, կոնտր-ծովակալ Հաբիբոլա Սայարին ասել է, որ զորավարժություններին կմիանան ցամաքային և օդային ուժերը, ինչպես նար ռազմածովային նավատորմը:
Իրանի զինված ուժերը վերջին մի քանի տարիներին անցկացրել են մի քանի խոշոր զորավարժություններ պաշտպանունակության բարձրացման և ռազմական տեխնիկայի փորձարկման նպատակով: Իրանն ասում է, որ իր պաշտպանունակությունը պայմանավորված է զսպվածությամբ և որևէ այլ երկրի սպառնալիք չի ներկայացնում:
