«Հորդորում ենք Ալբերտի բուժման հարցը չքաղաքականացնել, փաստն այն է, որ Վիգեն Սարգսյանի գրառման շնորհիվ 30 հազար դոլար հավաքվել է, կարևորը Ալբերտի կյանքն ու առողջությունն է»։ Այս մասին լրագրողների հետ հանդիպմանը նշեցին «Դիրքապահ» քառօրյա պատերազմի մասնակիցների միավորման անդամները՝ հավելելով, որ մինչև նախարարի գրառումը հաշվեհամարին ընդամենը 500 հազար դրամ էր փոխանցվել։
«Սա շատ կարևոր հարց է, մենք իր անունից փոխանցում ենք շնորհակալություն այն մարդկանց, որոնք նպաստեցին, որ իր համար հավաքվեց այդքան գումար: Իրոք հայ ազգը ցույց տվեց, որ կարող է միավորվել և օգնել իր զինվորին, այս ամենը դեռ վաղուց էր սկսված՝ Ալբերտի մայրիկը հաշվեհամար ուներ, հույսը մարել էր, մինչև արձագանքեց պաշտպանության նախարար Վիգեն Սարգսյանը, ով արեց իր խոստացած հայտարարությունը»,-շեշտեց «Դիրքապահ» քառօրյա պատերազմի մասնակիցների միավորում ՀԿ նախագահ Մանուել Մանուկյանը:
Ապրիլյան պատերազմի մասնակից, առաջին կարգի հաշմանդամ Հայկ Թորոսյանն էլ ընդգծեց թեև իրեն գլխի վիրահատություն է անհրաժեշտ , բայդ առաջնային է համարում Ալբերտի վիրահատության համար միսնական ջանքեր ներդնելը, քանի որ այն ավելի բարդ վիրհատություն է ռիսկը ավելի մեծ է։
Ապրիլյան պատերազմի մեկ այլ մասնակից Դանիել Դավթյանին ևս վիրահատություն է անհրաժեշտ՝ աջ կողմի բազմաբեկորային վնասվածքները բուժելու համար։ Նա հույս հայտնեց, որ քաշքշուկի մեջ չի ընկնի, ստիպված չի լինի խնդրել, գումար հավաքել, այլ նախարարությունը ծախսերը կհոգա։