ԵՄ-ն մտադիր է հրավիրել Իրանի ԱԳ նախարար Մուհամմադ Ջավադ Զարիֆին՝ նրա հետ իրանական հակակառավարական ելույթները քննարկելու համար, հայտնել է Գերմանիայի արտգործնախարար Զիգմար Գաբրիելը։
«Եվրոպական դիվանագիտության ղեկավարի (Ֆեդերիկա Մոգերինի) հետ համատեղ մենք որոշել ենք առաջիկա շաբաթվա ընթացքում հրավիրել իրանցի արտգործնախարարին, եթե հնարավոր լինի»,-ասել է Զիգմար Գաբրիելը։
Գերմանիայի արտգործնախարարը նշել է, որ ԵՄ-ն ամուր կանգնած է ցույցերի ազատության աջակցության դիրքում, և կառավարությունները նույնպես պետք է աջակցեն դրան։
Գաբրիելը դրա հետ մեկտեղ հայտարարել է, որ Գերմանիայի իշխանությունները չեն աջակցում ԱՄՆ նախագահ Դոնալդ Թրամփի հայտարարությանը՝ ցույցերի պատճառով Իրանի կառավարության փոխման անհրաժեշտության վերաբերյալ։ Նրա խոսքով՝ Բեռլինը Փարիզի հետ դեմ է հանդես գալիս Իրանում տիրող իրավիճակի հետ կապված հարցերի շահարկմանը։
