Մարտի 3-ին կառավարության շենքի մոտ ոստիկանների և «Ժառանգություն» կուսակցության անդամների միջև ընդհարումից հետո հարուցված բողոքին Հատուկ քննչական ծառայությունը ոչ մի անդրադարձ չի կատարել։ Այս մասին հայտնում է ԱԺ «ժառանգություն» խմբակցության պատգամավոր Զարուհի Փոստանջյանը։
«Կենտրոն և Նորք Մարաշ քննչական դատարանը մեր բողոքը մերժել է։ Այս որոշումը վիճարկելու ենք վերաքննիչ դատարանում։ Դատական բոլոր ընթացակարգերում հաջողություն չունենալու դեպքում մտադիր ենք դիմել մինչև Մարդու իրավունքների միազգային դատարան, քանի որ խախտվել են Մարդու իրավունքների կոնվենցիայում ամրագրված մի շարք հոդվածներ. քաղաքացիների ազատ արտահայտվելու իրավունքը, ազատ երթեր անցկացնելու իրավունքները»,- հայտնում է ԱԺ «Ժառանգություն» խմբակցության պատգամավոր Զարուհի Փոստանջյանը։
«Այսօրվա դրությամբ գործը հարուցված է, սակայն դրանում նշված է, որ քաղաքացիներն ու պատգամավորներն են ոստիկանների նկատմամբ բռնի գործողություններ կիրառել»։