Երևանի Ավան և Նոր Նորք վարչական շրջանների ընդհանուր իրավասության դատարանում շարունակվում է «Սասնա ծռեր» խմբի 10 անդամների գործով դատական նիստը: Այսօր սմեկնարկեց գրավոր ապացույցների հրապարակման փուլը:
Մեղադրող-դատախազներ Պետրոս Պետրոսյանը եև Արամ Արամյան ըներկայացրին օգոստոսին կատարված քննչական գործողության արձանագրությունը:
Ըստ արձանագրությունների գործով մբաստանյալ Սմբատ Բարսեղյանի մասնակցությամբ գործողությունն իրականացվել է ՊՊԾ գնդի տարածքում: Բարսեղյանը չի ցանկացել մատնացույց անել, թե կոնկրետ որ հատվածից են «Սասնա ծռեր» խմբի անդամները մուտք գործել ՊՊԾ գնդի տարածք:
Նա ցույց է տվել միայն շենքի այն հատվածը, որով ինքն է առաջ շարժվել եւ փոխհրաձգության մեջ մտել ոստիկանի հետ:
«Ոստիկանը, չնայած Սմբատ Բարսեղյանի՝ «մի կրակի» նախազգուշացմանը, Բարսեղյանի պատմելով, կրակել է, ինքն էլ թաքնվել է պատի անկյունում: Բարսեղյանը նշել է, որ ոստիկանի կրակոցներից որովայնի հատվածում վնասվածք է ստացել, ինքն էլ կրակել է ոստիկանի ուղղությամբ»:
