Այսօր թուրքական Մերսին նահանգում կանցկացվի «Ակկույու» ԱԷԿ-ի նախագծի իրագործման մեկնարկի արարողությունը, որին կմասնակցեն «Ռոսատոմի» ղեկավար Ալեքսեյ Լիխաչևն ու Թուրքիայի էներգետիկայի նախարար Բերաթ Ալբայրաքը։ Այս մասին RIA Novosti-ին հայտնել է Akkuyu Nükleer նախագծային ընկերության մամլո քարտուղար Մուրաթ Ֆիրաթը։
Այսօր մեկնարկելու են ապագա կայանի առաջնահերթ օբյեկտներում շինարարական-մոնտաժային աշխատանքները։
Ատոմային էլեկտրակայանի շինարարության ու շահագործման ոլորտում համագործակցության վերաբերյալ Ռուսաստանի և Թուրքիայի միջև միջկառավարական համաձայնագիրը ստորագրվել է 2010 թվականին։
«Ակկույու» ԱԷԿ-ի նախագիծն իր մեջ ներառում է 4 էներգաբլոկներ, որոնցից յուրաքանչյուրի հզորությունը կկազմի 1200 ՄՎտ։
Նախագծի արժեքը կազմում է մոտ 20 մլրդ դոլար։ Թուրքական կողմն ակնկալում է առաջին բլոկը շահագործման հանձնել 2023 թվականին։