Սաուդյան Արաբիան «Հըզբոլլահ» կազմակերպության հարձակումները կհամարի Լիբանանի կողմից պատերազմի հայտարարում։ Աս մասին հայտնել է Պարսից ծոցի հարցերով սաուդցի նախարար Թամեր ալ-Սաբհանը։
«Մենք կդիտարկենք Լիբանանի կառավարությունը որպես «Հըզբոլլահի» գրոհայինների պատճառով պատերազմ հայտարարող կառավարություն»,-ասել է նախարարը։
Ալ-Սաբհանը հույս է հայտնել, որ Լիբանանի կառավարությունը կզսպի «Հըզբոլլահի» ռազմականացված ստորաբաժանումների գործողությունները։
Անցած շաբաթ լիբանանցի վարչապետ Սաադ Հարիրին հայտարարել էր իր հրաժարականի մասին։ Կառավարության ղեկավարը հայտարարությունն արել էր Էր Ռիադ այցի ժամանակ։ Իր որոշումը նա բացատրել էր մահափորձի սպառալիքով։
Հարիրին մեղադրել է «Հըզբոլլահին» արաբական աշխարհում և մասնավորապես հայրենիքում ատելության բռնկման մեջ։
Հոկտեմբերին ԱՄՆ-ը պարգևավճար էր հայտարարել կազմակերպության երկու առաջնորդների մասին տեղեկատվության համար, ովքեր մեղադրվում են Լիբանանի սահմաններից դուրս ահաբեկչությունների և խաղաղապահների վրա հարձակման մեջ։