Իմ աշխատանքն առհասարակ կրթության հետ է եղել, բայց ավելի շատ IBM-ի ոլորտում։ Software և Hardware-ի թրեյնինգների միջոցով և՛ ԱՄՆ-ում, և՛ Եվրոպայում, և՛ ամբողջ աշխարհում աշխատել ենք թրեյնինգ տալ հենց այդ ճյուղում։ Այդ մասին «Առաջին լրատվական»-ի հետ զրույցում նշել է Վարուժան Հարիկյանը։
Հարցին, թե իր կարծիքով, Հայաստանում կրթությունն ու գիտությունն ինչպիսի՞ հեռանկար ունեն, որքանո՞վ են կարևորվում, նա պատասխանեց. «Նախ, ես 6 տարի ամերիկյան համալսարանում Extention Programm-ի դեկանն էի և բավականին հետևել եմ, թե ինչպես է ընթանում կրթությունը Հայաստանում։ Իմ կարծիքով, միայն կրթությունը չի, մեր ազգի ուշիմությունն ավելի կարևոր է, քան կրթությունը։ Մեր ազգն ուշիմ է և նրան կարող ենք ամեն ձև կրթություն տալ։ Այսինքն՝ ես շատ դրական հեռանկար եմ տեսնում։ Ես կարծում եմ՝ Հայաստանում գաղափարների ու մտքի խնդիրներ գոյություն չունեն, այլ կան լուծումներ, որոնցից մեկը FAST-ի առաջարկն է։ Մեր երիտասարդությունը բավականին տաղանդավոր է, և ես շատ դրական եմ տեսնում մեր երկրի ապագան գիտության ասպարեզում»։
Դիտարկմանը, թե հայ գիտնականները Հայաստանում չեն և իրենց ունակությունների իրացման դաշտ չեն համարում, նա արձագանքեց. «Անպայման չի՝ մարդն այստեղ լինի, որ կարողանա աջակցել հայրենիքին։ Այսօր մարդ կա, որ 3 օրով է մասնակցում այս միջոցառմանը, բայց այդ երեք օրում տալու է, ինչ գիտի և կապը պահելու է հայրենիքի հետ։ Այդ կապերն են ավելի կարևոր, քան հայրենիքում ֆիզիկապես լինելը։ Ես այս 6 տարվա ընթացքում 2 ամիս այստեղ էի, 2 ամիս Եվրոպա և Ամերիկա էի, բայց միաժամանակ կարողանում էի ներդրում անել իմ իմացածը հայրենիքում։ Մենք պետք է կարողանանք մարդկանց կապել Հայաստանին, որ իրենց իմացածը կիսեն մեզ հետ»։
Հարցազրույցն ամբողջությամբ՝ տեսանյութում: