ԵՄ երկրների առաջնորդները հաստատել են լիարժեք հանձնառությունն Իրանի հետ միջուկային համաձայնագրին, որը կնքվել է 2015 թվականին, հայտնում է Reuters գործակալությունը։
Այդպիսով՝ նրանք հույս ունեն թույլ չտալ գործարքի խափանում։ Այդ գործարքն ակտիվորեն քննադատվում է ԱՄՆ նախագահ Դոնալդ Թրամփի կողմից։
«Մենք լիովին հանձնառու ենք մնում միջուկային համաձայնագրի լիարժեք իրագործմանը։ Մենք դիտարկում ենք դա որպես ԵՄ-ի և տարածաշրջանի համար անվտանգության առանցքային հարց»,- ասել է ԵՄ դիվանագիտության ղեկավար Ֆեդերիկա Մոգերինին։
Ավելի վաղ Թրամփը հայտարարել էր Իրանի հետ պայմանավորվածությունների մի շարք կետերի վերանայման անհրաժեշտության մասին։ Նա նաև նախազգուշացրել էր, որ եթե ԱՄՆ-ը հարկ համարի, ցանկացած պահի կարող է դուրս գալ այդ համաձայնագրից։