Ադրբեջանի նախագահ Իլհամ Ալիևը հանդիպել է ԱՄՆ նախագահ Դոնալդ Թրամփի հետ։ Երկու երկրների առաջնորդների հանդիպումից լուսանկարը սոցցանցերում տարածել է հանրապետության ղեկավարի դուստրը՝ Լեյլա Ալիևան։
Հանդիպմանը ներկա են գտնվել նաև երկու երկրների առաջին տիկինները՝ Մելանյա Թրամփն ու Մեհրիբան Ալիևան։
Ադրբեջանի պետական «ԱզերԹաջ» գործակալությունն իր հերթին հայտնում է, որ նախագահ Իլհամ Ալիևն ու առաջին փոխնախագահ Մեհրիբան Ալիևան ներկա են գտնվել ԱՄՆ ղեկավարության կողմից կազմակերպված ընդունելությանը։
