Գիտնականներն Ավստրալիայի ափերի մոտ հայտնաբերել են մի ողջ ստորջրյա «քաղաք»՝ բնակեցված ութոտնուկներով և անվանել այն Օկտլանտիդա։ Հայտնագործությունը ցույց է տալիս, որ Octopus tetricus տեսակի ութոտնուկներն այնքան էլ միայնակ չեն, որքան կարծում էին առաջ։ Հետազոտությունը հրապարակվել է Marine and Freshwater Behaviour and Physiology ամսագրում։
«Քաղաքի» չափսերն են՝ 18х4 մ, այն գտնվում է 10-15 մ խորության վրա, Ավստրալիայի արևելյան ափերին՝ Ջերվիս ծովածոցում։ Ավազից, խեցիներից և աղբից պատրաստված խցերում ապրող ութոտնուկները շփվում միմյանց հետ, հետապնդում իրենց դուր չեկած ցեղակիցներին՝ չհամապատասխանելով ութոտնուկներին բնորոշ նկարագրությանը։
Եվ մեկ նման «քաղաք»՝ Օկտոպոլիսը, հայտնաբերվել էր 2009 թվականին՝ Օկտլանտիդայից մի քանի հարյուր մետր հեռավորության վրա։
