ԱՄՆ Սենատը հավանություն է տվել ամերիկյան դաշնային գերատեսչությունների կողմից «Կասպերսկու լաբորատորիայի» ծրագրային ապահովման գործածման արգելքին։ Այն որպես ուղղում ներառվել է 2018 ֆինանսական տարվա Պենտագոնի բյուջեի մասին օրինագծում։
Հիշեցնենք, որ ԱՄՆ ներքին անվտանգության նախարարությունը կոչ էր արել պետական հաստատություններին հրաժարվել «Կասպերսկու լաբորատորիայի» ծրագրային ապահովման գործածումից։
Գերատեսչությունը հաստատել էր, որ ընկերության արտադրանքը սպառնալիք է ներկայացնում ազգային անվտանգության համար։ Ընկերության ղեկավար Եվգենի Կասպերսկուն հրավիրել են ցուցմունք տալու Կոնգրեսի Ներկայացուցիչների պալատի գիտության, տիեզերքի և տեխնոլոգիաների հարցերով կոմիտեում։ Լսումները տեղի կունենան սեպտեմբերի 27-ին։ ՌԴ իշխանությունները քննադատել են նախարարության դիրքորոշումը։ Կրեմլում հայտարարել են, որ դա «ստվեր է նետում Վաշինգտոնի՝ որպես գործընկերոջ վրա»։
