Ամերիկացի երգչուհի Ռիհաննան հանդիպել է Ֆրանսիայի նախագահ Էմանուել Մակրոնի հետ՝ աղքատ երկրներում կրթական հարցերի քննարկման համար։ Այս մասին հայտնում է France Presse գործակալությունը։
Հանդիպումն անցել է Ելիսեյան պալատում։ «Մենք կենտրոնացել էինք գլոբալ իմաստով կրթական հարցի վրա, և մենք շատ մեծ հայտարարություն կանենք սեպտեմբերին»,-հայտարարել է երգչուհին Մակրոնի հետ հանդիպումից հետո։
Հանդիպումը հաջորդել է հունիսի վերջին թվիթերյան միկրոբլոգում երգչուհու կատարած գրառմանը, որում նա հարց էր ուղղել նախագահին՝ կրթական հիմնադրամին աջակցելու Ֆրանսիայի պատրաստակամության մասին։ Ավելի վաղ երգչուհին դիմել էր Կանադայի վարչապետ Ջասթին Թրյուդոյին, Արգենտինայի նախագահ Մաուրիսիո Մակրիին և Գերմանիայի կառավարության ներկայացուցիչ Շտեֆեն Զայբերտին։
Ռիհաննան 2012 թվականին հիմնադրել է Clara Lionel հիմնադրամը, որը զբաղվում է ողջ աշխարհում ինովացիոն կրթության և առողջապահական ծրագրերի աջակցությամբ։