Ֆիլիպինների նախագահ Ռոդրիգո Դուտերտեն մտադիր է ավելացնել զորքի թվաքանակը՝ առաջիկա երկու տարիներին ծառայության կանչելով 35-40 հազար զինվորների։ Դուտերտեն նաև հայտնել է, որ մտադիր է ռազմական օդանավեր ու անօդաչու սարքեր ձեռք բերել, որպեսզի զինվորականները կարողանան հետ մղել ահաբեկիչներին, հայտնում է Reuters-ը։
Նրա խոսքերով՝ Ֆիլիպինների անվտանգության սպառնալիքները աճել են, ու զինվորականներին ավելի մեծաքանակ զորքեր ու ժամանակակից սարքավորումներ են անհրաժեշտ, որպեսզի հաղթահարեն մարտահրավերները։ «Անհրաժեշտ է ուժեղ բանակ։ Ես կկառուցեմ բանակ, որը կկարողանա պայքարել բոլոր ճակատներում»,- նշել է Դուտերտեն։
