Գերմանիայի ռազմաօդային ուժերի հնարավոր դուրս բերումը «Ինջիրլիք» ռազմաբազայից Անկարայի համար խնդիր չէ, հայտարարել է Թուրքիայի նախագահ Ռեջեփ Էրդողանը չորեքշաբթի օրը, հայտնում է RIA Novwsti-ն:
«Մենք Գերմանիայից ոչ մի ծանուցում չենք ստացել այն մասին, որ նա պատրաստվում է «Ինջիրլիք» բազայից հեռանալ Հորդանան: Կա հայտարարություն գերմանական կողմից այն մասին, որ նրանց օրակարգում այդպիսի հարց դրված չէ: Սակայն, եթե նրանք այդպես վարվեն, ապա դա մեր համար խնդիր չէ: Եթե հեռանան, ապա մենք նրանց կասենք «բարի ճանապարհ»,- լրագրողներին ասել է Էրդողանը Բրյուսել` ՆԱՏՕ-ի գագաթնաժողովին մեկնելուց առաջ:
