«Առաջին լրատվական»-ի զրուցակիցն է Պահպանողական կուսակցության նախագահ Միքայել Հայրապետյանը:
–Պարոն Հայրապետյան, ամփոփում ենք խորհրդարանական ընտրությունները, սպասվա՞ծ արդյունքներ էին՝ ըստ Ձեզ, թե՞ ոչ: Այս համեմատաբար անդորր վիճակը հնարավո՞ր է ինչ-որ պահի պոռթկա:
-Ոչ, որովհետև նախ ընտրություններ չեն եղել, այլ իրականացվել է բավականին «բարեհաջող» առևտրային գործարք, իսկ առևտրային գործարքից հետո ընդվզումներ, ցույցեր, նման բաներ չեն լինում: Բնականաբար սպասելի էր այն, ինչ հիմա կա, այսինքն խաղաղ, յուրաքանչյուրը գոհ կամ դժգոհ իր առևտրային գործարքից. այսպիսի վիճակ է:
-Ի՞նչ գործարքի մասին է խոսքը, գործարք քաղաքական ուժերի և դաշինքների՞ միջև:
-Քավ լիցի, ոչ, նրանց հարաբերությունները բացարձակապես չեն հետաքրքրում, ցավոք մենք քաղաքական էլիտա չունենք, այլ խոսքը ժողովրդին առևտրի դաշտ մղելու մասին է և ոչ թե նրանց քաղաքացի կարգավիճակը հաշվի առնելու, այլ նրանց առևտրային հարաբերությունների տանելու մասին է: Ժողովրդին բավականին երկար նախապատրաստել էին հոգեբանորեն: Մենք ունենք «հրաշալի» հեռուստաընկերություններ, որոնք տարիներ շարունակ իջեցրել են ժողովրդի գիտակցական մակարդակը, հայրենիքին կապվածության մակարդակը և օտարել մեր երկրից, և նրանք գնացին՝ հասկանալով, որ չեն գնում ընտրության, այլ գնում են առևտրի, և հիմա եթե դժգոհում են, ապա առևտրից կարող են դժգոհել, խոսքը ընտրանի և ժողովուրդ հարաբերության մասին է:
Հարցազրույցն ամբողջությամբ՝ տեսանյութում: