Ռուսաստանի և Իսրայելի քաղաքացի բլոգեր Ալեքսանդր Լապշինը, որը կալանքի տակ է գտնվում Ադրբեջանում, բուժման կուրս է անցնում Բաքվի քննչական մեկուսարանի բուժկետում: Այս մասին Trend գործակալությունը հայտնել է Լապշինի փաստաբան Էդուարդ Չերնինը:
Նրա խոսքով՝ Լապշինը սրտի շրջանում ցավեր է ունեցել, որից հետո տեղափոխվել է մասնավոր կլինիկաներից մեկը: Այստեղ բլոգերի մոտ ախտորոշել են տախիկարդիա: Չերնինի խոսքով՝ Լապշինն այժմ իրեն լավ է զգում:
Ավելի վաղ Ալեքսանդր Լապշինի կինը՝ Եկատերինան, հայտարարել էր, որ ամուսինը առողջական խնդիրներ ունի:
Հիշեցնենք, որ Լապշինը 2016թ. վերջին ձերբակալվել է Մինսկում՝ Ադրբեջանի հարցման հիման վրա, որը բլոգերին «սև ցուցակում է» ներառել Արցախ այցելությունների համար: Բելառուսի գլխավոր դատախազությունը, բավարարելով Ադրբեջանի հարցումը, Լապշինին արտահանձնել է Բաքվին:
