«Փառք Աստծու, փառք Տիրոջ կամեցածին»,- «Առաջին լրատվական»-ի հետ զրույցում ասաց Գյումրիի նախկին քաղաքապետ Վարդան Ղուկասյանը՝ անդրադառնալով մեր հարցին, թե՝ գոհացնո՞ւմ է իրեն իր ստացած ձայները: Վարդան Ղուկասյանն ասաց, որ նախնական տվյալներով՝ մոտ 13 հազար ձայն է ստացել: «Մենք դեռ ամփոփում ենք տվյալները, դեռ ձայներ ունենք: Վերջնական տվյալները կլինեն, նոր ես կասեմ իմ խոսքը»,- ասաց Ղուկասյանը:
Մեր հարցին՝ իրեն գոհացնո՞ւմ է Շիրակի մարզում իր դաշինքի՝ «Ծառուկյան» դաշինքի գրանցած արդյունքները, Ղուկասյանը պատասխանեց. «Ե՛վ Շիրակի մարզում, և՛ Գյումրիում «Ծառուկյան» դաշինքը առաջին տեղում պետք է լիներ: Միշտ էլ էդպես է եղել: Իսկ եթե էդպես չէ, ուրեմն ուրիշին հարցրեք, ես չեմ կարող ասել, թե ինչու է այդպես»:
Վարդան Ղուկասյանը խուսափեց պատասխանել հարցին, թե Գյումրիում փողը, ընտրակաշառքը դեր խաղացե՞լ է, թե՞ ոչ:
Լուսանկարը՝ aravot.am-ի
