Մինսկի խմբի ամերիկացի համանախագահ Ռիչարդ Հոգլանդը Երևանում պատասխանել է այն հարցին,թե արդյոք կա ղարաբաղյան հակամարտության կարգավորման այսպես կոչված «Լավրովյան պլան»:
Այն, որ դուք անվանում ենք «Լավրովյան» պլան՝ դիվանագիտորեն թույլ տվեք ասել, որ մենք այդ արտահայտությունը չենք շրջանառում։ Կա պլան, որը շատ համընդգրկուն է՝ երեք մասերից բաղկացած։ Հիմա տեղին չէ, որ մանրամասներ ներկայացնեմ, քանի որ կողմերը պետք է առանձին հարցերի շուրջ աշխատեն։ Դիվանագիտությունը նման է թղթախաղ խաղալուն՝ բոլոր քարտերը բաց չես դնում սեղանին։ Հիմա կա պլան, բայց ինչ որ մաս այդ պլանից կարող է փոփոխությունների կարիք ունենալ։
Կա պլան , բայց չի նշանակում, որ կա համաձայնություն այդ պլանի շուրջ։ Բոլոր կողմերի ղեկավարները շատ լավ հասկանում են, թե ինչ է իրենից ներկայացնում այդ պլանը։ Դիվանագիտության խնդիրն էլ հենց այն է, որ ձևավորեն պայմաններ, որ լինեն բանակցություններ այն հարցերի շուրջ, որտեղ կան անհամաձայնություններ։
Տարիների ընթացքում շատ պլանների եմ ծանոթացնել, այն պլանը, որն այսօր սեղանին է դրված արմատապես չի տարբերվում նախկինում շրջանառված պլաններից, ։ Թե որ երկիրն է նստել սեղանի շուրջ ուշ գիշերով ու կազմել ծրագիրը՝ չեմ կարող ասել, բայց սա պլան է, որին աջակցում են համանախագահները ու ԵԱՀԿ-ն։
Այն ինչ այսժմ սեղանին է գտնվում այդ տարբեր պլանների հղկված փայլեցված տարբերակն է։ Դա արդյոք կրկնօրինակն է նախկին պլաններից մեկի՝ ոչ։ Սա նոր ուղիներ նոր լուծումներ է դիտարկում, որը կարող է հակամարտության բոլոր կողմերի համար լինել ընդունելի։