Ջոնի Դեպի երկրպագուները կարծում էին, որ Էմբեր Հերդից ամուսնալուծվելուց հետո Հոլիվուդի գլխավոր ծովակալը կմտածի նախկին կնոջ՝ իրեն երկու երեխա պարգևած Վանեսա Պարադիի մոտ վերադառնալու մասին, սակայն նման բան տեղի չունեցավ։ Այժմ տեղեկություններ են հայտնվել այն մասին, որ Դեպը կրկին սիրահարվել է, սակայն այս անգամ ավելի երիտասարդ աղջկա, քան Հերդն է։ Խոսքը 23-ամյա դերասանուհի Լյուսի Բոյթոնի մասին է։ Այս մասին հայտնում է Starslife-ը։
Նրա հետ Դեպը ծանոթացել է «Սպանություն Արևելյան ճեպընթացում» ֆիլմի նկարահանումների ժամանակ։ Բոյթոնն այնքան է գրավել Դեպին, որ նա նույնիսկ չի թաքցնում շրջապատից իր հետաքրքրվածությունը նրանով։ Իր սերը Դեպը պատրաստ է ապացուցել գործով. դերասանը պատրաստվում է ուղևորվել նոր ընտրյալի հայրենիք՝ Մեծ Բրիտանիա՝ նրա հետ հնարավորինս շատ ժամանակ անցկացնելու համար։ Նշենք, որ Հերդի հետ նա նույնպես ծանոթացել էր նկարահանման հրապարակում։
