Հնդկաստանի միանգամից մի քանի նահանգների ֆերմերներ բողոքում են թութակներից, որոնք պարբերաբար ափիոնի կակաչի դաշտեր են թռչում և ոչնչացնում են բերքի մոտ 10%-ը: Այս մասին հայտնում է Mirror.co.ru-ն:
Նշվում է, որ այդպիսի ֆենոմեն առաջին անգամ նկատվել է 2015 թ. Ռաջաստան նահանգի Չիթորգարհ քաղաքի շրջանում: Բայց 2017 թ. նույնը սկսել է տեղի ունենալ հարևան Մադհյա-Պրադեշ նահանգում: տեղացի ֆերմերների խոսքով՝ ափիոնի կակաչի դաշտեր թռչող թռչունների թիվը տարեցտարի աճում է:
Թմրամոլ թութակները լուռ թռչում են կակաչների վրա, կծում են ցողունը և հեռու թռչում՝ ավարն ուտելու: Լավ ուտելով՝ թռչունները քնում են մի քանի ժամ, դրանցից որոշները կարող են ընկնել և հեշտ ավար դառնալ կենդանիների համար:
«Սովորաբար թութակներն աղմկում են, երբ հավաքվում են: Սակայն այդ թռչուններն այնքան խելացի են դարձել, որ ոչ մի ձայն չեն հանում, երբ թռչում են մեր դաշտերը»,- պատմում է ֆերմեր Ռաթհոդը:
Կախվածություն ունեցող թռչուններին վախեցնելու համար ֆերմերները ճայթռուկներ են պայթեցնում, թմբուկ են զարկում, քարեր են նետում: Սակայն այդ բոլոր միջոցները քիչ արդյունավետ են թռչունների դեմ պայքարում:
Հաղորդում է նաև, որ ափիոնի կակաչի արտադրությունը, որն աճեցնում են դեղեր պատրաստելու համար, խստիվ վերահսկում է իշխանությունը: Բերքի պակասելու պատճառով ֆերմերներն արդեն զգուշացում են ստանում, քանի որ չնայած թութակների հարձակմանը՝ պետությանը պետք է բերքի խիստ սահմանված ծավալ փոխանցել: