Առնվազն 33 մարդ է զոհվել, ևս ավելի քան 100-ը վիրավորվել են Դամասկոսում տեղի ունեցած կրկնակի պայթյունի հետևանքով։ Այս մասին հայտնում է RIA Novosti-ն՝ հղում անելով սիրիական անվտանգության ծառայությունների իրազեկ աղբյուրին։
Երկու պայթուցիկ սարքերը գործի են դրվել շաբաթ առավոտյան՝ Բաբ Մուսալլա շրջանում՝ Բաբ աս-Սագիր գերեզմանատան մոտ։
Իշխանությունների կողմից կատարվածի վերաբերյալ պաշտոնական մեկնաբանություններ չեն արվել։
Վերոնշյալ գերեզմանոցը մեծ նշանակություն ունի շիա մուսուլմանների համար, քանի որ այնտեղ են ամփոփված Քարբալայի մոտ տեղի ունեցած պատմական ճակատամարտի մասնակիցների մարմինները։
