ՆԱՏՕ-ն Աբխազիային կոչ է անում չփակել Վրաստանի հետ սահմանին տեղակայված անցակետերը: Ինչպես հաղորդում է RIA Novosti-ն, այս մասին ասվում է դաշինքի պաշտոնական ներկայացուցիչ Օան Լունգեսկի հայտարարության մեջ:
Հիշեցնենք, որ դեկտեմբերի վերջին Աբխազիայի նախարարների կաբինետը որոշում էր կայացրել փակել «Նաբակիա» և «Օտոբայա» անցակետերը:
Լունգեսկին իր անհանգստությունն է հայտնել սույն որոշման կապակցությամբ և նշել, որ անցակետերի փակումը բացասական կանդրադառնա տեղում իրավիճակի և տարածաշրջանում կայունության վրա, ինչպես նաև կսահմանափակի տեղաշարժման ազատությունը և կազդի տեղի բնակիչների կենսապայմանների վրա:
«Մենք առաջարկում ենք վերանայել անցակետերը փակելու մասին որոշումը, որպեսզի ապահովվի քաղաքացիների ազատ տեղաշարժը»,-հայտարարել է դաշինքի պաշտոնական ներկայացուցիչը՝ հավելելով, որ ՆԱՏՕ-ն աջակցում է Վրաստաանի տարածքային ամբողջականությունը և Ռուսաստանին կոչ է անում չեղարկել Հարավային Օսիան և Աբխազիան անկախ պետություններ ճանաչելու որոշումը: