«Օհանյան-Րաֆֆի-Հովհաննիսյան» դաշինքի առաջին համաժողովում ԱԺ պատգամավոր Էլինար Վարդանյանը նշեց, որ Հայաստանում հատկապես խնդրահարույց է ՀՀ-ում մարդու իրավունքների ոլորտը: Նրա խոսքով՝ տեղի են ունենում կամայական ձերբակալություններ, ոստիկանությունն ուժ է կիրառում խաղաղ հավաքներ իրականացող մարդկանց ու լուսաբանող լրագրողների վրա:
«Առանցքային է լինելու անկախ դատական համակարգի ձևավորումը… 2016 թվականի տվյալներով, Հայաստանը լքել է 50 հազար անձ, ու պետք է ծրագրեր մշակվեն այս ուղղությամբ, պետք է դեմոգրաֆիական խնդիրը լուծվի, մայրերին պետք է աջակցենք… Հայաստանն արդարության վերականգնման կարիք ունի, մենք այսօր այստեղ ենք, որպեսզի ՀՀ-ն դառնա արդար երկիր, որտեղ մարդու ընտրական իրավունքը չի խեղվի, ու մարդը պաշտպանված կլինի»,- նշեց Է. Վարդանյանը:
Մանրամասները՝ տեսանյութում:
