Թբիլիսիի կենտրոնում կիրակի զանգվածային ակցիա է անցկացվել՝ հաջակցություն «Ռուսթավի 2» հեռուստաալիքի, որի շուրջ դատավարությունը շարունակվում է 2015 թվականից։ Այս մասին հայտնում է BBC-ն։
«Այսօր մենք միասին պետք է ասենք այս կառավարությանը, որ նրանք երբեք չեն կարող այս երկրում դիպչել խոսքի ազատությանը»,-հավաքվածներին դիմել է հեռուստաալիքի գլխավոր տնօրենի տեղակալ Զաալ Ուդումաշվիլին։
Ի նշան բողոքի երկօրյա դադարից հետո հեռուստաալիքն այսօր վերսկսել է հեռարձակումը։
«Ռուսթավի 2» հեռուստաալիքի շուրջ դատական քաշքշուկը սկսվել էր 2015-ի օգոստոսին, երբ դրա նախկին տերը՝ գործարար Կիբար Խալվաշին, դատական հայց էր ներկայացրել Թբիլիսիի քաղաքային դատարան և պահանջել իրեն վերադարձնել հեռուստաընկերությունը։ Հեռուստաալիքի սեփականատերերը վիճարկել էին որոշումը Վերաքննիչ դատարանում, որը 2016 թվականի հունիսին ուժի մեջ էր թողել որոշումը։ Այդ ժամանակ «Ռուսթավի 2»-ի փաստաբանները բողոք էին ներկայացրել Գերագույն դատարան։ Ներկա պահին գործը փոխանցվել է Գերագույն դատարանի Մեծ պալատ, որը դեռևս որոշում չի կայացրել գործով։
Հեռուստաալիքը հաստատում է, որ Վրաստանի իշխանությունները դատավորների վրա ցուցաբերում են «աննախադեպ ճնշում՝ ցանկալի որոշում ստանալու համար»։