Ֆրանսիայի նախկին վարչապետ, հանրապետականներից երկրի նախագահի թեկնածու Ֆրանսուա Ֆիյոնը հայտարարել Է, որ Վրաստանը և Ուկրաինան տեղ չունեն Եվրամիությունում ու ՆԱՏՕ-ում: Ինչպես հաղորդում է RIA Novosti-ն, այս մասին նա ասել Է «Լե Մոնդ» հրատարակությանը տված հարցազրրույցում:
«Պարզապես հարկավոր Է ընդունել, որ Վրաստանը եւ Ուկրաինան կոչված չեն անդամակցելու ԵՄ-ին եւ ՆԱՏՕ-ին»,-ընդգծել Է նա:
Նա նաև «անպատասխանատու» Է համարել քաղաքական այն գործիչների հայտարարությունները, որոնք կոչ են անում՝ Կիևին եւ Թբիլիսիին անդամակցություն տրամադրել Հյուսիսատլանտյան դաշինքում և Եվրամիությունում:
Անդրադառնալով Ռուսաստանի հետ հարաբերություններին նա նշել է․ «Սա երկիր է, որը չունի ժողովրդավարական միտումներ, ունի միջուկային զենք։ Կա երկու տարբերակ․ կամ մենք փորձում ենք համաձայնություն ձեռք բերել Ռուսաստանի հետ կամ հակազդում ենք։ Ո՞վ կցանկանա հակամարտություն ունենալ Ռուսաստանի հետ»,-ընդգծել է վարչապետը։
