Բրիտանական The Independent թերթի փոխանցմամբ՝ Apple ընկերությունը ներկայացրել է իր MacBook Pro նոր նոթբուքը, որը ստացել է սենսորային պանել։ Ավելի վաղ հաղորդվել էր, որ նոր նոթբուքն ունենալու է ոչ մեծ էկրան ստեղնաշարի վերին մասի կառավարման համար։
Նոր գործառույթը ստացել է TouchBar անվանումը։ Apple-ը ներկայացրել է նոթբուքի երկու տարբերակ՝ 13 և 15 դյույմանոց էկրանով։ Դրանք արծաթագույն և մուգ մոխրագույն են։
Ընդգծվում է, որ 15 դյույմանոց նոթբուքը 20 տոկոսով բարակ է իր նախորդից։ 13 դյույմանոց տարբերակը 17 տոկոսով բարակ և 200 գրամով թեթև է նախորդ մոդելից։ Էկրանը դարձել է 67 տոկոսով ավելի վառ։