Ուկրաինական UNIAN լրատվական գործակալության փոխանցմամբ՝ Ուկրաինայի Գերագույն ռադան համերաշխության հռչակագիր է ընդունել Լեհաստանի ու Լիտվայի խորհրդարաններին՝ կապված Երկրորդ համաշխարհային պատերազմի դեպքերի հետ։
Փաստաթղթում Երկրորդ համաշխարհային պատերազմի մեկնարկի պատասխանատվությունը դրվում է նացիստական Գերմանիայի ու Խորհրդային Միության վրա։
Հռչակագրում ուշադրություն է հրավիրվում այն փաստին, որ 1939 թվականի օգոստոսի 23-ին տոտալիտար ռեժիմների՝ կոմունիստական Խորհրդային Միության ու նացիստական Գերմանիայի միջև ստորագրված պակտը հանգեցրել է սեպտեմբերի 1-ին Երկրորդ համաշխարհային պատերազմի պայթյունին, որը հարուցել է Գերմանիայի ագրեսիան, որին սեպտեմբերի 17-ին միացել է Խորհրդային Միությունը։
Հռչակագրում վստահեցվում է, որ այդ իրադարձությունները հանգեցրին 1945 թվականին Յալթայի կոֆերանսի որոշումների ընդունմանը, որոնք նոր փուլ սկսեցին ողջ Արևելյան ու Կենտրոնական Եվրոպայի համար, ինչն էլ տևեց կես դար։
Ուկրաինայի խորհրդարանի նախագահ Անդրեյ Պարուբին հայտարարել է, որ հռչակագիրը պետք է ընդունի նաև Լեհաստանի սեյմը։ Լիտվայում էլ այն պետք է ընդունի նոր գումարման խորհրդարան, որն ընտրվել է հոկտեմբերի ընտրությունների արդյունքներով։