ԱԺ արտահերթ նիստում Կառավարության ծրագրի քննարկման ժամանակ ԲՀԿ խմբակցության ղեկավար Նաիրա Զոհրաբյանը վարչապետ Կարեն Կարապետյանից հետաքրքրվեց, թե անձերի փոփոխությունից բացի, ի՞նչ փոփոխություններ են արվել:
«Անընդհատ խոսում ենք ստվեր, մենաշնորհ, կոռուպցիա, տպավորությունն այնպիսին է, թե դրանք «անորսալի Ջո»-ն են, և մենք չգիտենք մենաշնորհը որտեղ է… Մի քանի մենաշնորհներ ունեցողներ այս դահլիճում նստած են, մենք չգիտենք ստվերը որտեղ է, կոռուպցիան որտեղ է:
Դուք ասացիք, որ ոչ ստանդարտ գործիքակազմ եք կիրառելու, հիմա բոլորս էլ ակնկալում ենք ոչ ստանդարտ լուծումներ. որո՞նք են լինելու այդ ոչ ստանդարտ լուծումները, անորսալի թվացող ստվերային տնտեսության, մենաշնորհատերերի դեմ պայքարի հարցում (որոնց բոլորս գիտենք անուն առ անուն, կենսագրությունով) այդ ամենը stop կանգնեցնելու համար»,-ասաց Ն. Զոհրաբյանը:
Վարչապետը պատասխանեց, որ հանձնարարական է եղել բոլոր գերտեսչություններին նոր կառուցվածք ներկայացնել, ոչ թե օպտիմալացում, այլ կրճատում: «Հստակ հանձանարական կա կրճատել ՊՈԱԿ-ները, կենտրոնացնել գնումների կառույցները, հանձնարականեր կա կենտրոնացնելու ԾԻԳ-երը»,-ասաց վարչապետը:
«Ազգանուններ չենք գրել, ճիշտ եք, բայց մենք չենք խոսել կոռուպցիայի դեմ ոչ ստանդարտ եղանակներով, ոչ ստանդարտ եղանակներով էկոնոմիկայի զարգացումից ենք խոսել: Կոռուպցիայի դեմ պայքարը շատ ստանդարտ է, այնտեղ ֆիքսել ենք ոնց ենք պայքարելու, կանենք թե չենք անի, կտեսնեք»,- ասաց Կարեն Կարապետյանը:
Մանրամասները՝ տեսանյութում: