ՕՊԵԿ-ի երկրները սեպտեմբերին արդյունահանել են նավթի ռեկորդային քանակություն, հայտնում է Bloomberg-ը:
Նավթի ընդհանուր արդյունահանումը ՕՊԵԿ-ի երկրներում սեպտեմբերին ավելացել է օրական 170 հազար բարելով` համեմատած օգոստոսի հետ և հասել է օրական 33.75 միլիոն բարելի:
Նշվում է, որ նավթարդյունաբերության ավելացումը տեղի է ունեցել Նիգերիայի և Լիբիայի հաշվին, որոնք միասին արդյունահանել են օրական 190 հազար բարել:
Նշվում է, որ այդ երկրներում նավթի արդյունահանման աճը կոմպենսացնում է Սաուդյան Արաբիայում և Անգոլայում նվազեցումները: Ընդգծվում է, որ Իրանը սեպտեմբերին իր նավթարդյունահանումը ավելացրել է միայն օրական 10 հազար բարելով` հասցնելով օրական մինչև 3.63 միլիոն բարելի:
