Տնտեսագետ Վիլեն Խաչատրյանը այսօր հրավիրված ասուլիսի ժամանակ նշեց, որ ներդրումների ներգրավման հիմնախնդիրը մղվում է առաջնային պլան, որը նաև հանդիսանում է պատճառ Էկոնոմիկայի նախարարության վերանվանման համար:«Եթե դիտարկում ենք այս տեսանկյունից, ապա նոր ձևավորվող կառավարության խնդիրներից մեկը լինելու է ներդրումների ներգրավումը»,- նշեց տնտեսագետը:
Նա ներկայացրեց վիճակագրություն 1988-2016թ հունիս ընկած ժամանակահատվածում Հայաստանում կատարված ներդրումների վերաբերյալ. «Համախառն հոսքերը, ներդրումնեը այդ ժամանակահատվածում եղել են 5 տրլիոն 661 մլրդ դրամ գումարի չափով: Ո՞ր երկրներն են մեր հիմնական ներդրումային գործընկերները: Ռուսաստանի Դաշնությունը մոտ 2 տրիլիոն 85 մլրդ ներդրոմ է արել, մեր երկրորդ գործընկերը Գերմանիան է՝ 582 մլրդ, երրորդը՝ Ֆրանսիան՝ 494 մլրդ, 4-րդը օֆշորային երկիր Կիպրոսն է՝ 362 մլրդ ներդրում է կատարել:
Այս երկրների ներդրումները ծածկում են մեր երկրի ներդրումների գրեթե 65 տոկոսը: Այդ երկրներն են Հայաստանը համարում լուրջ գործընկեր և գործընկերային հարաբերություններ հաստատում մեր երկրի հետ»,- նշեց Վիլեն Խաչատրյանը և ընդգծեց, որ Հայաստանը ԵԱՏՄ տարածաշրջանից լուրջ ներդրումներ կարող է ակնկալել միայն ՌԴ-ից:
Մանրամասները՝ տեսանյութում:
