ՀՀ պաշտպանության նախարարի նշանակման համար կա համապատասխան ձևաչափ և ժամկետ: Այս մասին «Առաջին լրատվական»-ի հետ զրույցում նշեց ՀՀ ՊՆ խոսնակ Արծրուն Հովհաննիսյանը՝ անդրադառնալով մամուլի այն հրապարակումներին, որ շուտով Սեյրան Օհանյանը կազատվի պաշտպանության նախարարի պաշտոնից և կզբաղեցնի ՀԱՊԿ գլխավոր քարտուղարի պաշտոնը:
«Հորդորում ենք անվտանգության մարտահրավերներով լի այս տարածաշրջանում նմանատիպ և այլ միջազգային ռազմաքաղաքական մակարդակի նշանակումների հարցում պահպանել համապատասխան զսպվածություն և երկրի համար նման կարևոր` կառավարության ձևավորման փուլում զերծ մնալ կանխատեսումներից և ակնարկներից»,-ավելացրեց Հովհաննիսյանը:
