Տոքսոպլազմոզով վարակված մարդիկ կարող են ենթարկվել ագրեսիվ վարքի զարգացման բարձրացված ռիսկի, հայտնում է newsyou.info-ն:
358 մեծահասակի մասնակցությամբ հետազոտության ընթացքում մասնագետները հայտնաբերել են, որ մարդկանց 30%-ի մոտ հանդիպող տոքսոպլազմոզը, որը համեմատաբար անվնաս պարազիտային վարակ է, կարող է կապված լինել բարձրացված ագրեսիայի և դյուրաբորբոքության հետ:
Ստացված տվյալների համաձայն` կատաղության և ագրեսիայի սանդղակում բարձր գնահատականներ ստացած մարդիկ 2 անգամ ավելի հաճախ են ունեցել տոքսոպլազմոզի թեստի դրական արդյունք:
Փորձագետների խոսքերով` տոքսոպլազմոզի թաքնված վարակը կարող է փոխել ուղեղի քիմիան, մեծացնելով ագրեսիվ վարքի զարգացման ռիսկը: Երբեմն մակաբույծը կարող է թափանցել ուղեղի հյուսվածքների մեջ և առաջացնել հոգեկան հիվանդություններ, նշում են մասնագետները: