Թուրքական T24 առցանց թերթի փոխանցմամբ՝ Թուրքիայի նախագահ Ռեջեփ Էրդողանն այցելել է Դիարբեքիր, որտեղ դատապարտել է ամերիկացի զինվորականների պահվածքը՝ կապված իրենց հանդերձանքի վրա Սիրիայի քրդերի «Ժողովրդի ինքնապաշտպանական ջոկատների» (YPG) տարբերանշան կրելու հետ։
Էրդողանը հայտարարել է, որ իրենք դատապարտում են YPG-ին ու PYD-ին (Սիրիայի քրդերի «Դեմոկրատական միություն» կուսակցություն) ԱՄՆ-ի աջակցությունը. «Մեզ բարեկամ ասողները, մեզ հետ ՆԱՏՕ-ում միասին եղողների զինվորներն իրենց թևերին կրում են YPG-ի տարբերանշաններ։ Դրանից բացի, նրանք հայտարարում են, որ կշարունակեն աջակցել YPG-ին։
Նրանց, ովքեր ասում են, թե նա կապ չունի PKK-ի հետ, մենք ասում ենք, եկեք ու դասեր ստացեք։ Մենք ձեզ կներկայացնենք ահաբեկչական կազմակերպության վերաբերյալ բոլոր փաստաթղթերը»։
