ԱԺ-ում 2015թ. պետական բյուջեի կատարողականի քննարկման ժամանակ, երբ ներկայացվում էր ՀՀ Արտաքին գործերի նախարարության ծախսերը, ԱԺ պատգամավոր Նիկոլ Փաշինյանը, դիմելով ԱԳ նախարար Էդվարդ Նալբանդյանին, նշեց, որ ապրիլյան դեպքերը ՀՀ դիվանագիտության անհետևողական և անկանոն քաղաքականության արդյունքն էին:
Նա մի շարք հարցեր ուղղեց Էդվարդ Նալբանդյանին: Հարցերից մեկը վերաբերում էր նրան, որ Ռամիլ Սաֆարովի գործողություններին, ըստ Փաշինյանի, Հայաստանը համարժեք արձագանք չի տրվել: Ն. Փաշինյանը նաև նշեց, որ մի քանի տարի է՝ ԵՄ համագործակցության ուղղությամբ քայլեր են կատարվում, «սակայն մի գիշերում մտանք ԵՏՄ, ու հիմա տեսանք, որ այս միությունը ոչ միայն անվտանգության հարց չի լուծում, այլեւ ավելի սրել է»:
Ն. Փաշինյանը անդրադարձավ նաև Ադրբեջանի կողմից հայկական ուղղաթիռի խոցմանը շփման գծում. «ՀՀ իշխանությունները հայտարարում էին, թե հայկական կողմը համարժեք պատասխան կտա, մինչ օրս չենք տեսել դա:
Բացի դրանից, ՀՀ-ն շարունակում է հետևողականորեն բանակցել Ադրբեջանի հետ ԼՂՀ վերաբերյալ ի հեճուկս այն փաստի, որ ԼՂՀ-ն չկա բանակցային ֆորմատում, քանի որ Ադրբեջանը չի համաձայնվում»
Նիկոլ Փաշինյանը իր հարցերին տրված՝ Էդվարդ Նալբանդյանի պատասխանները լսելուց հետո ասաց. «Դուք իրականում ոչ թե իմ հարցերին պատասխանեցինք, այլ ելույթ ունեցաք, ավելին՝ ճառ արտասանեցիք, որ բավականին ձանձրալի էր:
Մանրամասները՝ տեսանյութում:
