«Ազգ» օրաթերթի գլխավոր խմբագիր Հակոբ Ավետիքյանը «Առաջին լրատվական»- ի հետ զրույցում անդրադարձավ այն հարցին, թե ինչու արցախյան լարվածության օրերին Սփյուռքը մասամբ դրսևորվեց:
«Սա արտակարգ վիճակ է, և մենք պետք է արտակարգ միջոցների դիմենք. այսինքն՝ մոբիլիզացնենք մեր բոլոր հնարավորությունները և դրա համար օգտագործելով մեր քարոզչամիջոցները, մեր կուսակցությունները, եկեղեցին»,- նշեց Հ. Ավետիքյանը:
Նրա խոսքով՝ համահայկական մեր բոլոր հիմնադրամները կարևորագույն դեր ունեն, բայց քիչ բան են տալիս, դրանք կազմակերպություններ են և անհրաժեշտ է ավելի ժողովրդականացնել, կարևոր է, թե ով է վերահսկում, 100 տոկոսի պետք է հասցնել գումարների ծախսման վստահելիությունը:
«Սփյուռքի նախարարության և արտաքին գործերի նախարարության ներկայացուցիչները միմյանց հետ լավ չեն աշխատում. ես արդյունքներից եմ դատում,- նշեց Հ. Ավետիքյանը: Նրա դիտարկմամբ՝ փնթի և անպատասխանատու վերաբերմունք է դրսևորվում:
Մանրամասները՝ տեսանյութում: