Lift-Bit «խելացի» բազմոցը ստեղծվել է Carlo Ratti Associati միջազգային դիզայներական ստուդիայի և կահույքի Vitra շվեյցարական ընկերության համագործակցությամբ, հայտնում է smartmir.net-ը:
Բջջային ծրագրի և ձեռքի պարզ շարժման օգնությամբ բազմոցի մասերը մի քանի վայրկյանում փոխում են իրենց բարձրությունը՝ ձևափոխվելով կահույքի ցանկացած տեսակի:
Դեռ ավելին՝ եթե դուք երկար ժամանակ չեք օգտվել Lift-bit-ից, բազմոցը «ձանձրանում է» և ուշադրություն գրավելու համար սկսում է ինքնուրույն փոխել ձևը: Զարմանալի վեցանկյունները կարող են վերափոխվել ամեն ինչի՝ սկսած բազմոցից և վերջացրած սեղանով:
