Վերջին տարիներին Քեմերոն Դիասը հազվադեպ է երևում հեռուստաէկրաններին: Այժմ 43 տարեկան դերասանուհին ավելի շատ զբաղված է ինքնաճանաչողությամբ և նոր գրքեր գրելով, հայտնում է marieclaire.ua-ը: Օրինակ The Longevity Book: Live Stronger, Live Better; The Art of Ageing Well իր վերջին նախագծում Դիասը պատմում է տարիքային փոփոխությունների և սեփական մարմինը սիրելու մասին:
Ծերանալու մասին դերասանուհին այժմ ոչ միայն գրում է, այլ նաև խոսում: Օրինակ, նոր գրքի հրատարակման կապակցությամբ վերջին հարցազրույցում Քեմերոնը պատմել է, թե ինչու ծանր չի տանում իր տարիքը, և միևնույն ժամանակ քննադատել է կինոարդյունաբերությանը, որտեղ թագավորում է երիտասարդական պաշտամունքը:
«Հոլիվուդը մեզ միֆեր է տարածում այն մասին, որ ծերությունը գեղեցիկ չէ, և որ տարիքի հետ մեր հնարավորությունները պակասում են: Տարիքային փոփոխությունները միշտ ցուցադրվում են բացասական»,- պատմել է դերասանուհին:
«Իմ երիտասարդությունն անցել է: Ես այլևս երիտասարդ չեմ, և ես լիովին բավարարված եմ։ Տարիքի հետ գեղեցկությունն աճում է, այլ ոչ թե թոշնում»,- ասել է դերասանուհին:
