Թուրքական Cumhuriyet թերթի փոխանցմամբ՝ ԱՄՆ պետդեպարտամենտի խոսնակ Ջոն Կիրբին Վաշինգտոնում կազմակերպված մամուլի ասուլիսի ժամանակ հայտարարել է, որ ԱՄՆ-ը YPG-ին (Սիրիայի քրդերի ժողովրդական ինքնապաշտպանության ուժեր) չի ճանաչում որպես ահաբեկչական:
«Թուրքիան YPG-ը դիտարկում է որպես ահաբեկչական կառույց, սակայն ԱՄՆ-ը նրան չի դիտարկում որպես այդպիսին։ Մենք հասկանում ենք YPG-ի հետ կապված Թուրքիայի մտահոգությունները, սակայն YPG-ը ԴԱԻՇ-ի դեմ պայքարում ամենահաջողված ուժերից մեկն է։ Մենք այն չենք համարում ահաբեկչական և շարունակելու ենք աջակցել»։
